93v 1444
Inin tvcatl vmpã nemj in tlatvtonia iuhqujn mjtva tlalomjtl in aquin qujmjnaz auh çan chiavaca tlamjz çan ixicatvz in vncã qujmjna auh cenca tlatlaz in jiollo in jnacaio vel [fol v
Reproduccion digital
Inin tvcatl vmpã nemj in tlatvtonia iuhqujn mjtva tlalomjtl in aquin qujmjnaz auh çan chiavaca tlamjz çan ixicatvz in vncã qujmjna auh cenca tlatlaz in jiollo in jnacaio vel [fol v
] tzatzitoz vel iuhqujnma tlecujcujlolo aoc tle ipaio
Tocamaxaqualli
ololtic mavivitlapol totomjo quatecõpol çaçan ie ioioli atle itequjuh çan yio xopan in nemj auh injc nemj injc vtlatvca çan ixtvtvmaoa avic motlatlaloa
Texcan
patlachpil quapatlachpil mâmae ihicxe tequanj tenquequexqujc tetapalo teaman tequa tepachichina tetapaloa
Caltatapach
nextvntli patlachtontli amatlapale ontlamantli in jatlapal cecnj panj ca tapalcatic in tlanj ca iamanquj iehoatl ipatlanja
Injc tequa tenquequexqujc tetapalo calcamac tlaçoltitlan tlacuechaoaian in inentla in jtlacatian oc c ca iquac panvetzi in ie tlatvtvnja in ie vitz qujavitl in [fol v
] qujtta ocutl in qujtta tletl vmpa ommotlaça
Pinavitztli
itech qujça in njpinaoa anoço njtepinauhtia qujtvznequj tepinauhtiliztli injc qujtvcaiotique in jquac qujttaia ie vecauh tlaca qujtvvaia Onjqujttac in ioioliton ca nechtlalvia itla nopan mochioaz tepinauhti tetolinj in axcan ma oc nõnjmattinemj In aca qujtvaia Cujx teticmati in tiioiolitvn ma çaço qu njpoliviz conmjctia in aca qujtlaçocamati qujlhuja Otinechmocnelili cujx timotlacaiocoia njmã cõquatlatzinja
Inin ioioliton tlatlactontli no tequacapil tel amo iztlaque amo t qualaque
Injc chicunavi parrapho itechpa mjtoa in qu amjque azcame
Azcatl
in çaço tlein azcatl quechtacapitzpil cujtlaololpil [fol v
] mamae iicxe quaquave temjnanj in tequjtva tequa tenqualaque iztlaque mocaltiani mochantianj motlalancaltianj motlaiecultianj tlaçacanj tlaçaçacanj motlatlatilianj vepananj tlavilananj tlaçaca vepana motlatlatilia tlatlatia motlaiecultia tlaquaqua mocaltia motlatiltia moxaltiloltia mopotzaltia mazcapotzaltia mopotza tequa azcatl tequa tetvneoa teiztlacvia tetenqualacvia motetia mopilhoatia
Tlatlauhquj azcatl anoço tzintlatlauhquj azcatl