194v 2463
¶ Coatzontecomasuchitl iuhqujn coatl itzontecon ic ca çan njman iuh ixoac iuh tlacat [fol v
![]() |
![]() |
![]() |
![]() |
![]() |
![]() |
![]() |
![]() |
Reproduccion digital
¶ Coatzontecomasuchitl iuhqujn coatl itzontecon ic ca çan njman iuh ixoac iuh tlacat [fol v
¶ Acasuchitl tolpatlactic xexeltic in jcueponca itoca acasuchitl chichiltic maxeltic maxelivi chichilivi
¶ Quauhacasuchitl
¶ Quauhiztesuchitl quaviztisuchitl xivitl xoxoctic in jatlapal texoti in jcueponca coltic iuhqujn quauhtli izti ic ca xoxoctic texotic xiuhtototic colivi xoxovia texoti texocalivi texocaltia texocalti
¶ Tzacusuchitl xivitl iuhqujn tzacutli ixiuhio memelacpil chichiltic tlaztaleoaltic movitic celic celpatic teicolti tetlanecti tecelti tececelti celia iollotlapaltic iollotlapalivi texcalpan in hicac in mochioa yoã quãmaxac quauhtitech in celia itzmolinj cueponj cueponticac cuecueponticac tlatlatzcaticac
¶ Hivisuchitl tlacotontli tlacotl catzactic poçoltic in jcueponca iuhqujn hivitl cueponj molonj