114v 1803
[fol v
![]() |
![]() |
![]() |
![]() |
![]() |
![]() |
![]() |
![]() |
Reproduccion digital
[fol v
] ¶ Amaquavitl xipetztic xixipetztic in jatlapal in jxiuhio in jqujllo tzotzotlaca qujltic in jeoaio mamachioa amatl mocuepa movitequj
¶ Copalquavitl memeiallo memeäa
¶ Ocutzoquavitl xochiocutzoquavitl tetecujtztic tomaoac iaoaltic memeiallo memeia motepozvia in jeoaio vncan oalqujça in ocutzotl in xochiocutzotl
¶ Olquavitl tomaoac malacahctic pochotic memeiallo motepozvia in jxipeoallo vncã oalqujça vncan oalmeia in olli Patli mochi inamjc in cocoliztli ixcocoliztli inamjc palanaliztli inamjc yoanj cacaoatl ipan qujpatia in totlatlaliaia in tocujtlaxcol tlapatia in titic tlapatia in canjn tlapalanj in olli mea tetzaoa tlalichtic tlalhoatic tlaquaoac choloa papatztic patztic nacatic