¶ Tlacoxochitli xiuhtontli moquetztiuh injc iauh xoxoctic in jamatlapal vccan excan xeliuhtica achi patlactotonti tentzitziqujltic achi âoaio tomjo xochipaltic in jxochio mjmjltotonti amo tle inecoca Auh in jnel hoaio totomaoac totomactotonti impanj ixtliltic in jitic iztac amo eoaiotilaoac necuticachichic moteci mjecpa qujnamiquj in tlaolli aço caxtoltetl anoço matlactetl yoan chicuetetl cacaoatl iquac in aiamo tlaqualo anoço otemoc tlaqualli iquac conj in cocoxquj anoço amo cocoxquj In aqujn in cenca mococoa in acaio in totonja in icica inic cenca patzmjquj in toiollo qujcevia in totonquj çan novian mochioa in tepepan quauhtla