114r 1799
[fol r
![]() |
![]() |
![]() |
![]() |
![]() |
![]() |
![]() |
![]() |
Reproduccion digital
[fol r
] ¶ Tlacuilolquavitl cujcujltic cuecueioca tomactic xipetztic tlatztic cujcujlivi mocujcujloa motlitlilanja motlatlamachia teponaztli mochioa vevetl mecavevetl mochioa vel naoatl coioltic in jtozquj iamanquj in jtlatol qualneci teiculti tetlanecti eleviliztli nequjztli naoati caqujzti tzilinj qualneci tetlanectia teicultia
¶ Tlacalhoazquavitl pitzaoac acatic pipitzaoac iticoionquj qujqujztic tlamotlalonj tlatlacalhoazvilonj tlamalonj tlamjctilonj coionj iticoionj tlatlacalhoazvia tlamotla tlama
¶ Aiotentli chichiltic
¶ Chichicquavitl chichicpatli ioanj tetlatemovili tecujtlaxcoliecti tetlanoqujli tetlanoqujlia tecujtlaxcoliectia qu popoa qujtlachicazvia in cujtlaxcolli in totlatlaliaia teaxixpatia teaxixtlapoa in mjec mj eztli qujnextia çan ipan qualli in mj amo quexqujch