215v 2601
¶ Nocheztli nochtli itech qujça in jtoca ioan eztli iehica nopaltitech in muchiva auh iuhqujn eztli iuhqujn eztecocoli [fol v
![]() |
![]() |
![]() |
![]() |
![]() |
![]() |
![]() |
![]() |
Reproduccion digital
¶ Nocheztli nochtli itech qujça in jtoca ioan eztli iehica nopaltitech in muchiva auh iuhqujn eztli iuhqujn eztecocoli [fol v
] injn nocheztli ca ioioli ca ocujli in nocheznupalli in ie imochioaia nocheztli in nopaltitech ioli tlacati in iuhquj çaioltoton in ioiolititin njman ie movapava njman ie mozcaltia njman ie chamava mopochqujotia cenca chamava tôtomava tolonavi njman iemopochqujoqujmjloa in oimellelaçic in ocujlti vel iuhqujn eztecocolli motlalia njman motocatzaoalqujmjloa njman miquj valvetzi noçe mololoa mozqujzvia popotica mololoa Injn tlapalli aiamo chipavac çan ixtlilectic çan oc iuhqujn ezvacquj ololtic ololtontli pâpatzpil vavacalpil tlapalonj tlachichililonj tlachichiloanj Nitlapa njtlanochezvia njtlanochezaquja njtlapallacujloa njtlatlapalaquj njtlatlatlapalpoiava njtlatlapaltilava njtlachichiloa njchichilivi njtlapalqujça