213r 2574
] cuítlatl ipampa in maviztic in coztic in qualli in iectli in tlaçotli in necujltonolli in netlamachtilli intonal imaxca inneixcavil in tlatoque in totecujiovan itech qujzquj in quëman cana neçi tlavizcalpan iuhqujnma apitzaltontli qujtocaiotia tonatiuh icujtl cenca coztic cenca maviztic iuhqujn tlexochtli manj iuhqujnma coztic teucujtlatl tlaatililli ic neçi itech tlaantli y in coztic teucujtlatl amo iehoatl in jpalnemoanj in jtechcopa mjtoa ie in tonatiuh ca in aiamo iximacho in jcel teutl in nelli teutl in ca mjequjntin teteu neteutiloia Auh in tonatiuh çan vel itoca catca teutl nepantla teutl mjtoaia valqujça teutl njzteutl onmotzcaloa teutl oncalaquj teutl teutlac noma mjtoa in axcan qujtoznequj onac oncalac in teutl injn tonatiuh icujtl in nonotzaloque qujcujque caqujl nanavapatli qujlmach nanaoapatli in aiamo nanaoati qujqua qujl [fol r