cf_04_iv

folio: 7r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

7r 14

Auh in chicunavi hecatl mjtoaia motqujtica moch centlantica amo qualli in aqujn ipan tlacati atle vel muchioa yn jnemjliz atle vel ic tlaçaloia atle vel ic tlaana atle vel ic tlatzicoa atle ivelnezca atle veli atle veliti in tlalticpac çan iuhqujn ecatocotinemj avic iatinemj conmonectia in ma itlati in ma acati çan atleti ca nel iuhquj itonal conjxtoca ipan onmjxpoa in ma pupuchtecati in manoce cujcujcanjti teaachti tetlâtlavicalti tecâcamanalhuj Etc atle [fol r

7r 15

] veliti çan tlaqualania çan n ia motlatlamotla monenencoa moquauhtlaça in manel tiacauhti anocan ompouhquj âcan onaqujlo mjtoa aiac itztzocujtl aiac ica aiac qujtemoa auh intlanel neçi ic motlaiecultia intlanel itla ic motlâtlamachia aonieoati çan iuhqujn ehecatl iuhqujn atl onqujça atle qujtlaçaloltia atle qujtlatzicoltia çan nen vetzi yn jtlapaliviz

7r 18

Injc ei capitulo itechpa tlatoa injc etetl machiotl in jtoca ce maçatl yoan in qualli tonalli in qujmomaceviaia yn jpan tlacatia in toqujchti in cioa auh intlacamo inpan neltiaia çan iehoantin in tlatziviliztica qujpoloaia