5v 13

] vmpilcatoc in jxqujch caana in qujtemoa in jcochca yn jneuhca in qujlnamjquj in conjttilia in contlachielia tle itech vmpatiz tle itech ontlaanaz in macujl in matlac tlê qujmonmacaz injpilhoan çan onmaçoaz tlê concujtivetziz in ooalla cocoliztli icnoiotl ic noviiampa mjxtia tlanemjlia qujtemoa in tlein qujmonanauhtiz in catleoatl inanauh vmmuchioaz in tlein vel ic onnemjz ic onmacoquetzaz ic ontlapiujaz itlatquj icnopillouh Ioan iehoatl qujçaia panvetzia in vel monotza in tlacacquj in amo qujquammati qujtemati in onotzaloca izcaliloca içan itech qujpachoa içan qujmacuj qujmapiquj auh intla ica necacaiaoalo amo qujtecuepiliaia amo qujcuepcaiotia atle ic qujlochtia Auh intla çioatl ipan otlacat no iuhquj ipan muchioaia in tlacpac omjto omoteneuh intla cioapilli tetlãximaia quatepipitzinjloia injc mjquja auh çan icnoiotica cococaiotica in monenemjtiaia [fol v