CF_04_IV

folio: 27r

Reproduccion digital

CF_04_IV 27r
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

27r 63

Auh in vel icatia ixcoia matlactli quauhtli iuh mjtoa qualli tonalli in aqujn ipan tlacatia vel mâceoale catca in jpan oqujchiotl tiacauhiotl quauhiotl oceloiotl tonalchicaoac tonallapalivi vel teujuj teujc mjxtlapaloanj tetlaquauhtlamachti teoqujchtlamachti âmjqujzmauhquj teca momotlanj tevic mopetlatiuh texoxocoa texoxomolaquja tepetlaticalaquj tetocaticalaquj teitqujtiuetzi vel moteixcaujanj centlamauhtia aiac vel qujpeoaltia aiac vel ixco ieoa aiac vel qujiacaolinja aiac vel qujiacapeionja aiac uel qujquequeloa njman temotzoloa temotzolqujtzquja teujc moçoneoa tepan moxittomonja ipampa ca iuhquj itonal in tecoçauhquj icxicoçauhquj vei quauhtli njman iquac maltia in aqujn ipã tlacatia in oqujchtli in çioatl Auh in matlactloce cozcaquauhtli iuh mjtoa [fol r

27r 64

] no qualli tonalli in aqujn ipan tlacatia qujtoaia veuetiz coliujz qujtlamjz qujcalaqujz in tonatiuh ypampa ca veve in cozcaquauhtli ipan otlacat vevetioaia No iuhquj in matlactlomome olin ioan in tlatzonqujxtia matlactlomej tecpatl izqujtetl qualli muchi qujncenvica qujncentlatalhuja qujncenqualtilia in matlactli quauhtli injc cenvetzi qualtin tonaltin ca iuh mjtoa in izqujcan matlactioaian in aqujn ipan tlacatia c ca qualittoia qujtoaia ca oc Etetl tonalli in qujtzacuja ipan omotlacatili oc etetl tonalli injc vnnemjz in qujmoqualtitinemjz

27r 67

Injc matlactli oce capitulo itechpa tlatoa injc chicontetl machiotl in jtoca ce qujavitl ioan in amo qualli tonalli in jtech catca qujlmach in aqujque vncan tlacatia nanaoalti catca ioan tetlachivianj tlatlacatecolo auh in tlacatecolotl ca iehoatl qujtoznequj in Diablo achi muchi in calli itech pouhquj in amo qualli in amo iectli çanjio inic matlactetl vmey qualli

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v  23r  23v  24r  24v  25r  25v  26r  26v  27r  27v  28r  28v  29r  29v  30r  30v  31r  31v  32r  32v  33r  33v  34r  34v  35r  35v  36r  36v  37r  37v  38r  38v  39r  39v  40r  40v  41r  41v  42r  42v  43r  43v  44r  44v  45r  45v  46r  46v  47r  47v  48r  48v  49r  49v  50r  50v  51r  51v  52r  52v  53r  53v  54r  54v  55r  55v  56r  56v  57r  57v  58r  58v  59r  59v  60r  60v  61r  61v  62r  62v  63r  63v  64r  64v  65r  65v  66r  66v  67r  67v  68r  68v  69r  69v  70r  70v  71r  71v  72r  72v  73r  73v  74r  74v  75r  75v