5r 13
] axioaia ioan muchi amo qualli in jmâceoal in jcnopil muchioaia çan teuhtli tlaçolli ic mjlacatzotinemj teuhtli tlaçolli cololotinemj acan tlacaitolo tetlaxima tepan iauh tetlan aaquj cueitl vipilli tepan cana icioaxic ietinemj Auh intlanel aca tiacauh oquichtli tlamanj muchioaia vel monamacaia motlacocaoaia tevic temecapal muchioaia victli mecapalli qujmottitiaia iuh mjtoaia ca iuhquj itonal iuhquj iol iuhquj ipan tlacat iuhquj itlacatiliz auh çã vei qujçaia in aca tiacauh amo monamacaia in jvian oalnemja tlalticpac iehoatl in amo tlatziuhquj in jeel in tlamocujtlavianj in cochiçanj in tlâcelianj in tlamaceoanj in moçaoanj in mjçonj in tlachpananj in tlatzetzeloanj in tlacujcujnj in tletlalianj in ioalli qujtztoc in popoxiuhteoa in mocujtivetzi in amo moteteca in amo moxiccaoa in [fol r