cf_04_iv

folio: 51v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

51v 143

] oc tlaujzcalpan in qujtlatiaia amatl in mjtoa ic qujtlamaca tletl qujvicatiuh qujtocatiuh in copalli cecenpetlacalli ovnpetlacalli in contepeoa tleco chipaoac iztac copalli ioan qujncotona çoçoltin iuhqujn tlecujlixquac tlâpatlaca tlapapatlaca ieço nemamaiaooa tlalli ic neujujteco tlecujlixquac qujtzitzicujtza qujnonoquja in jmezço ioan no achto tlecujlixquac qujtotoiaoa in vctli auh çatepan tlecujlnacazco nauhcampaixti qujtotoiaoa auh in çan maceoaltzintli in motolinja çan copalxalli in tleco qujtema auh in ça iequene qujtzacuja in molhujicnotlacatl tequjicnotlacatl in âavia in auellamati çan ie in jauhtli tleco qujtepeoa ic qujtlamaca in jxcoian itleuh ioan mjtoa in tlatoque vncan motecutlaliaia motlatocatlaliaia in jpan in ce itzcujntli auh ipan motequaltiaia motecpacaia motlatocapacaia in nauhacatl iquac noviian oalhuja in altepetl ipan tlatoque coanotzalo ic machitilo in iancujcan tlatoanj omotlali mjiec injc oalhuj in jntetlapaloaia in jntetlapalol qujoalcuj qujoalitquj in macuextli in tilmatli in suchitl in jetl in çaço tlein imamaujzço yximachoca imaltepeuh in campa in quexqujchca oaleoa qujtlamamaca qujtlatequjlia in tlatoanj ioan qujtlapaloa qujtlatlauhtia oalmotlalia in jntechiuhcaoan in tecutlatoque [fol v

51v 144

] in vellatoa in tlatolmati qujtlacuepilia qujntlananqujlilia auh çan no iuj in chioalo in namjco çan ic mocuepa in jnnetlaçotlaliz injc motlaneuj injc mjximati injc momalcochoa injc mocoachioa qujmomamaca in xuchitl in jetl in atl in tlaqualli in tlaqualtectli auh in tilmatli çan qujqujmjliuhtiuh çan qujqujmjlietiuh çan qujmjltica in qujmomaca in in qujmotlauhtia qujiaiacana in tlaçotilmatli in tetechtilmatli in vel intonal i'calitic ochioaloc otlatlan iquac impan qujnpepena inpan qujnuelitta qujntlatlattilia qujmjipantia qujnpapantia qujnpapanjtia in quenamj qujnmacazque altepetl ipan tlatoque injc nononqua qujnmaujztilia qujnvecapano intetlaujcalhoan tlaliuj tlâtlaliuj tlâtlalhujtiuj tlâtlaliooa in tlamamalo in tlâtlatqujoa quaquailpitiuh in netlauhtilli auh in netlacaujlli âtle tlaçotli âtlatlaçotli tlacujtlaputzmamalo cujcujtlalpitiuh in jntlaçeujl qujmjtqujlia tlatoque in omopieco ioan in cequjn çan otenepieltico