58v 175
] much qujmati aço tequannaoale coionaoale Eta auh intla maceoalli çan ie no iuhquj iehoatl in mjtoa tlacatecolotl tetlatlacatecolouja tepupuxaquavia temamacpalitotia tepoloanj teeujllotlatia no iuhquj intla cioatl mometzcopinquj mometzcopinanj Eta auh in jpan tepoloaia vncan qujmattiuja in aqualli tonalli iehoatl contotocaia contlatotoqujliaia qujtoa cenca ipan tepoloaia in chicunauj itzcujntli anoço chicunauj mjqujztli chicunauj malinalli ioan in ie muchi chichicunanauj ioan in oc cequj moteneoa âqualli tonalli in jzqujcan omoteneuh auh in iuh quezquican omjto in aqujn iuhquj in itequjuh itetequjuh muchioa qujmotetequjlia aic auja atle qujquanj çan motolinjtinemj aoneoatinemj âcan ichã âcan chanca amo chane caca âcan chantlamattica âcan chane ca tlamattica çan icnoiotl qujtztinemj çan ic conquatiuh çan jc onmotlamjtiuh intla cana itla maco nemaqujlilo injc tepoloa injc netlaquevilo ânoce cana axioa in jquac ie otlatlatziujti ie ontlaxujti ie otlatlatzilhuj vncan ano qujtzoncuj qujtleiocujlia qujtonalitlacoa ic ça temac onmomjqujzcacaoa auh in iehoantin moteneoa temamacpalitotique tepupuxaquaujque in jquac tla cana ichtequjzque techan [fol v