19v 46
] nexuchitlamachtilo vncã tlatlâtlamj tlanenequj in tlatoanj in catle cujcatl coneoaz in anoço cuextecaiotl tlaoancacuextecaiotl vexotzincaiotl anaoacaiotl oztomecaiotl nonooalcaiotl cozcatecaiotl tenjcaiotl tepetlacaiotl chichimecaiotl metztitlancalcaiotl otoncujcatl quatacujcatl tochcujcatl teponazcujcatl Etc çioacujcatl atzotzocolcujcatl auh in anoço çan aujlcujcatl ixcuecuechcujcatl cococujcatl quappitzcujcatl quateçoqujcujcatl aujlcujcatl Etc yc mjtoaia ca nel onjcac in suchitl Ioan vncã qujcenqujxtiaia in cacalpixque in jxqujch imâceoallatquj tlatoanj qujtlanenectia qujtlâtlattitia in catle coneleujz ipan onmjtotiz ipan ontetlattitiz ioan vncan qujntlavizmacaia in tiacaoan in tetlaujcecaoa in otomj in quaquachicti in tlatlacatecca in tlatlacochcalca in tevitequjnj in temalacachoanj in teviltequjnj in tetzacujianj in tetlallanvianj yoan vel oncan mocnaviaia mopixqujaia tlatemachiaia netlauhtiltica [fol v