cf_04_iv

folio: 74v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

74v 218

] in quappitztic yn oitztix yn ocecex yn itztic in cecec yn anoço pâpaian in nexcococ in cocopatic yn âvmpa ieheoa yn acuechtic yoan in anoce iuhquj tamalli in totonquj i' totontlapetztic in techichino in tecopacchichino yn oc ipotocquiztivitz in totoncatlaqualli yn ânoce ça tamalçolli tamalcecec yn opuxcauh yn oalaoac oalactix yn oçaçalix yn oiiax ca omuch mjto Jehica yn ça njcan ontitiquiltzopi tocontitiquiltzopa tlatolli ynjc ontlatzonquiça ynjc aocmo ceppa ticceceppavizque yn ixq'ch cecencamatotonti omolnamjc in juhqui omoçaçanilo in ma iuh tepantli ooalmochiuhtia tlatolli achchi achchitoton ooalmotlalitia ooalmoçalotia cequj vel omoçaçalo otzotzop otzotzõma yn itlamjã vel omotlamamacac omotlaaquili omotlatlaqualti omoteiolloti omotetzicueoalloti tetzicueoaltica teiollotica ynjc vel ooalçoquicoallotia tlatlatoltica auh cequj çan omocôcoton omococototz [fol v

74v 219

] côcotonqui cocotontica cocotocatica cocoiontica xixipuchauhtica xixipuchauhtoc amo centlachixtoc xixiquipiltic xixiquipiliuhtoc cocomotztic cocomotzauhtoc ynjc cecencalpan ooallotlatocac in ie muchi tonalli omoteneuh yn ipan otlatlatoloc otlatlatolloac

74v 222

Injc vmpoalli capitulo ytechpa tlatoa yn oc cequi ic xexeliuhtoc tonalpoalli yn vc mocaoa yn itech povi in tonalli no itechpa tlatoa yn itabla yoan in ipoaloca in izquitetl tonalli yoã in matlaquilhujtl vmey in itech povia in tonalli