CF_04_IV

folio: 22r

Reproduccion digital

CF_04_IV 22r
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

22r 52

] teuhtli tlaçolli tzotzomatli tatapatli qujteilhujltia aoc tle ipatica aoc tle ipaio mochioa in qujoaltoqujlia tonalli çanjioca tetlaactica mjxcaujtica injc amo qualli in aquj' ipan tlacatia çan tlatolli cololotinemj tlâtolli cololhujtinemj tlâtoltzon tlâtolli itlaqual tlâtolnecujl cenca ivelmach intla cana neaio vmpa motlaloa tecacaquj intla cana nenonotzalo itla itolo tetzalan tenepantla motecatinemj techalanjtinemj tenetecheuhtinemj tetlatolçaçaca teiollocôcoltia atle ipan qujtta amo qujtequanmati in ovitlatolli in tetzauhtlatolli ihiztlacati iztlactli tenqualactli tetlaqujquanjtinemj motlatolcujcujtlavia qujtlatlâtlalilia in tlatolli tlâtolpiqujnj tlatolcampax tlatolcacampax tlatolchochopoc tenênexotla motepâpachivia teca nênemj teca tlâtlâtlanj mononotza atle vel itic tlalilo atle vel ixpan mjtoa njman tepan qujcenmana tepan qujmoiaoa in tetlatlacol in tetlatol tetenco qujtlaztinemj ic tepan cacalaquj an qujmati an qujlhuja in tlein inenca ic muchipa icnoiotl qujtztinemj itech eoatinemj itilmaçol imaxtlaçol ietinemj aonmonamjquj [fol r

22r 53

] in itatapa âoalnecinj yn jquezpan onoz in jquechtlan pilcaz aoneoatinemj in jcalitic calceceoazco aic tlatotonja petlaçolli icpalçolli ueuetztoc aiac tlachpana tlaçolli moteujlacachoa tlaçolli imoteujlacachoaian auh çan moxixicotinemj moçôçomatinemj mjhitleuhtinemj qu qujnacatinemj qujtemoa in ma itla ic ompaquj in ma itla ic oncevi in jiollo in ma ic onvellamati quen çan nel conchioaz ca nel iuhcan otlacat in icnoiotl iieoaia ca iuhquj itonal in tlaçolli teuhtli Auh in matlactli hecatl iuh mjtoaia qualli tonalli ioan in oc etetl qujtoqujltica in matlatloce calli ioan matlactlomome cuetzpali matlactlomei coatl muchi qualli qujncenvica quj'centlatalhuja in matlactli hecatl iuh mjtoaia in aqujn ipan tlacatia muchi inemac in teniotl in maviçotl in oqujchiotl in necujltonolli netlacamachiliztli iuh mjtoaia cenca tonalchicaoac aiac vel qujquequeloa aiac vel ica mocacaiaoa aiac vel qujmoxixictia ipampa ca tlamatlactian in otlacat iuhquj ipan muchioaia in oqujchtli in çioatl

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v  23r  23v  24r  24v  25r  25v  26r  26v  27r  27v  28r  28v  29r  29v  30r  30v  31r  31v  32r  32v  33r  33v  34r  34v  35r  35v  36r  36v  37r  37v  38r  38v  39r  39v  40r  40v  41r  41v  42r  42v  43r  43v  44r  44v  45r  45v  46r  46v  47r  47v  48r  48v  49r  49v  50r  50v  51r  51v  52r  52v  53r  53v  54r  54v  55r  55v  56r  56v  57r  57v  58r  58v  59r  59v  60r  60v  61r  61v  62r  62v  63r  63v  64r  64v  65r  65v  66r  66v  67r  67v  68r  68v  69r  69v  70r  70v  71r  71v  72r  72v  73r  73v  74r  74v  75r  75v