43r 110

Auh in jchantlaca njman iquac compeoaltia in tlamaçeoaia motzoiotia aocmo mâmovia tel vel maltia yn jntlac apa iece aocmo polaquj auh nanapoaltica qujmattiuj in mamovitiuj injc qujnextia qujtemachitia ca ipampa tlamâçeoa in jnconeuh in jntelpuch in oqujxcauhque ixqujch caujtl iuh qujchiuhtinemj in jqujn qujçaqujuh auh intla noce omjqujto iehoan achto caqujtilo in puchteca veuetque intequjuh in teiolmelaoazque in teiolpachiujtizque iehoantin qujcalaquja in choqujztli in jxaiotl in jchan omjqujto ic qujtemachitia injc naujlhujtl ilnamjcoz mjccaoatizque in jchantlaca injc tlapalolozque ellaquaoalozque qujmjloloz in inconeuh auh in oqujz navilhujtl iquac mamovia in jchantlaca ic mjtoa momjccaaltia injc compopoloa conjilcaoa intlaocol auh intla cana oiaomjc qujtlaliaia ieujllo queujllotia queujllotlalilia ixiptla qujchichiujlia injn Evillotl çan ocoquavitl in qujtzatzaianaia çatepan qujcujtlalpia auh ixqujch itech qujtlalia in amatlatqujtl in amanechichioalli in amaxicolli in amacozcatl in amaneapantli [fol r