cf_04_iv

folio: 52v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

52v 148

In jquac ie omotecpac tecoanotzaliztica njman ie no cuele oalmotlalia injc iaotlatolo no ic mjtoa ic oppa iaoc motecpacaz in tlatoanj iquac cenca ipan mopepena in tiacaoan in chicaoaque ipan netotocholo nemamalioa injc qujtlamatilizque qujpalevizque injc iehoan uel qujtlamaltizque ipampa ca qujxtoca ipan mjxpoa qujmototoqujlia in jauh in jtlaqual in jtilma injc ipal nemjzque ipallaquemjzque qujnmaujzçotiz Eta itlaujcecaoan mochioazque in mjtoa injc aqujtlaçotla in jntzontecon in jmelchiqujuh teca momotla teujc mopetlatiuj ioan mjtoa no ipan tecutlatoloia injn ce itzcujntli vncan tlatzontequjliloia in jnpan ca mjqujztli auh iquac qujxtiloia caoaloia in amo cenca ovi ic cate ioan qujntlatlacollaçaia in tlatlacoti in amo cenca melaoac in amo uel ixnezquj in amo cenca uel neztica ic tlacoti ic tlanamjquj in aço çan tlapictli qujtzaqua çan tlapiqujloque çan ixpopoiotlanamjctiloque ixpopoiotlanamjcque [fol v

52v 149

] aço çan tepan in tlaiecoa aço çan tecujtl in qujtzaqua injc cujtiloque in victli mecapalli injc victique mecapaltique iquac njman vmpa onmaaltia in chapultepec injc qujncaoa intlatlacul auh in aqujn ipan tlacatia injc qujtonalittaia qujtoaia mocujltonoz ipal iez qujtlamaujçalhujz in totecujo aço tecoaz tealtiz aço quezqujpa cujcujcaz teitotiz uh injc qujtocamacaia qujn no ipan qujmattiuja in naoacatl iquac qujtlatlaqualiaia qujxicvenquaqualiaia in pipiltotonti ipampa in vncan motlatocapaca in netlatocapacaian tlatoque altepeme No ioan mjtoa in jpan in ce itzcujntli in jxqujchtin chichime qujnquatlaviaia in itzcujneque in jtzcujnnemjtique Auh in qujtoqujlia vme oçomatli ioan ey malinalli navi acatl macujlli oçelotl chiquacen quauhtli chicome cozcaquauhtli chicuei olin chicunauj tecpac matlactli qujaujtl matlactloce suchitl matlactlomome cipactli matlactli vmei hecatl in jzqujtetl in cencalpã tonalli ça ie much iuhquj in jtoloca omoteneuh injc cecemjlhujpã tlapoaltitiuh in quenamj innenemac ipan tlacati ie omomelauh mjieccan vel omonenexti auh in jquac onqujz in njman ic oalmoquetza