CF_04_IV

folio: 59r

Reproduccion digital

CF_04_IV 59r
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

59r 175

] tlaqujxtizque qujchichioaia in jxiptla ce hecatl qujniacantiuja iniacac imjxpan icatiuja ioan qujtqujtiuj in jmacpal moçioaquetzquj in jti ic iauh in auel mjxiuj iquac qujcujliaia in qujn onmjquj çan oqujchteccacuja ioaltica in qujtequjliaia iooalli itic auh injc qujtocaia amo ichan çan vmpa concaoaia in vtlica vncan in uel omaxac contoca qujnêcaliltitiuj ipan necalioatiuh coiovitiuj injc qujujca auh injc qujoalqujxtia ichan amo ixcopa in jcal çan qujcujtlacoionja in calli vmpa qujqujxtia injc concaoa vmaxac auh in ieoantin in temamacpalitotique in jquac cana tepolozque ichtequjzque ce tlacatl conquechpanoa conmoquechpanoltia in jmacpal mocioaquetzquj iehoatl in in jopuch iopuchma in jquac oacito techan in aiamo calaquj calitic oc ie achto itoalnepantla ic tlaujtequj in macpalli ic oppa tlaujtequj in oacique caltempan qujujtequj in calixquatl in tlaixquatl njman iee in tlaquetzalli ic conmocaoa in tlecujlixquac oc ceppa vncan tlaujtequj in jquac in iuh mjtoa njman aocac naoati aocac uel mopoçaoa vel ioiolmjquj in chaneque auh in cequjn çan vel cocochmjquj tlacotaliuj tlaquaqualaca iuhqujn  neacatzaianalocochioa auh intla ça oc aca nenitztoc aoc vel molinja [fol r

59r 176

] aoc uel mocuechinja aoc vel momapatla vel çoçotlaoa çoçotlacmjquj yn jnma in jmjcxi ca nelli mach in acopa teiitztoque ixtepepetzme ixpepetzteme onoque ixpepetzintoque auh in iehoantin ichtecpatlachpopul njman ie ic tlepitza qujtemoa in tlaqualli achtopa tlaqua vel motlacauja aiac qujmelleltia ca nel oontepoloque ontepuxaquaujque in jquac onmoiollalique njman ic calaquj in tlecopa in tlatlatilcali tlamaololoa tlaqujxtia in jxqujch tilmatli in quachtli in chalchiujtl in teocujtlatl in ie ixqujch tlatilonj in tetzontli in pielli netlacujtlaputzmamaltilo netlanênectilo netlatlattililo in çaço ac quexqujch ic conmotlamamaltia ic onmuchichioa auh in nel cenca iuh onmjtoa in iuh onmachizti amo nentecaoa amo nenqujça teca maujltiteoa in iuh cochioa necochitilo maceoalpan pilcoatoc vipantoatoc teiiquanja tepapatla in vncan ceceiaca ionoia inetecaia oc ie cecni conteca amo vel mjtoz in quexqujch ic teca maujltia tlaueliloque auh injc vi otlica acan moceuja âcan mjxquacevia ça qujn c vmpa qujmattiuj in jnchan iuh mjtoa qujlmach intla aca moceviz vtlica aioc vel yaz aio uel meoaz aioc vel otlatocaz vncan ipan tlathujz qujnnexotlaz injchteccaicnjoan anozque çaçacozque namoialozque tecâcatzilpiloz

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v  23r  23v  24r  24v  25r  25v  26r  26v  27r  27v  28r  28v  29r  29v  30r  30v  31r  31v  32r  32v  33r  33v  34r  34v  35r  35v  36r  36v  37r  37v  38r  38v  39r  39v  40r  40v  41r  41v  42r  42v  43r  43v  44r  44v  45r  45v  46r  46v  47r  47v  48r  48v  49r  49v  50r  50v  51r  51v  52r  52v  53r  53v  54r  54v  55r  55v  56r  56v  57r  57v  58r  58v  59r  59v  60r  60v  61r  61v  62r  62v  63r  63v  64r  64v  65r  65v  66r  66v  67r  67v  68r  68v  69r  69v  70r  70v  71r  71v  72r  72v  73r  73v  74r  74v  75r  75v