74r 218

] qualtia in quenmã amo itlacavi cempopolivi in quenman vme vitz quitoa yn aço qualli âcanoçomo qualli intla qualli intlacanoçomo  qualli yn anocê çan iliviz yoan in cequi omito in vel nenezqui yn juh ynneixcavil cecemilhuitl ic tlavica tonaltin ca omuch mjto in tlein vncan muchichioaia intla qualcan njman caltiaia yn jpã otlacat auh intlacamo oc quitemoaia in catlehoatl tonalli ipan maltiz yn iuhquj ic quiquallittaia vevetque veventoton vevenpipil tlahelvevetq' avilvevetque aoc quimati vevetque nextecuilvevetque totumputlavevetque yn onemico mixtecomac tlaiooa ynjc omoztlacavitinenca omotlapololtitiaque omixcueptiaque omixtetzappolotiaque Jpampa yn ça nica tocõcemitotiquiça ynic amo ça nen tictequipachozque tetlacaquiliz titenacaztititzazque ça yliviz tlatoltica titetzontetilizque titotzontetilizque titzontetiezque yn ma iuh tlaqualli momati tlatolli ca omuch mito in iamanquj in totonqui in velic in avjiac auh in oapaoac yn oapactic yn oquappitzauh [fol r