70r 208

] teyieti in texuchimacac in texuchiti tetlamacac tetlanamjctili tlanapaloque njmã ieehoatl yn achiuhqui aquetzqui tlaamjnquj tlaaminanj yoan in teamacac njmã ieeoan in techixque in tetlalique auh in çan maceoalpã in çan jcnotlacapã mjllacapã atlacapan ie omjto çan cococatzi' icnoiotica icnotlacaiotica in tetlacamacho in tecoanotzalo amo cenca onteaxioa yn juh monequj in ie ivi in ie vel ivi in ie teveli mjiec tlamantli mjxcaoa ytlacavi ic tlatlacavi tlâtlatlacavi yn aca aoc tle ipan aci aoc tle ipan mopooa aço ça xuchiçolli tlacevilli yn ipanti in quipantilia yn ipã mopoa yoan aço ça mollacaoalli molchichictli tamalçolli tlaxcalçolli yn nemaquililo auh intla ça oc n tlalilo nempancatlalilo vecauhtica ieoatica çan vncã ylcaoalo auh yn õmopatlac ça motetectica yiollo cholotica injc iaz aocmo ontlaiecoa mocueptinemj achcan vel motlalia itzintepitzquâquauhti quâquauhtitica [fol r