3 Relacion de Chimalpahin

folio: 140r

Reproduccion digital

3 Relacion de Chimalpahin 140r
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

140r 101

III Acatl xihuitl Nican ypan in tzônquiçaco ynic quauhtlatolloc yn Colhuacan ynic ye mochi quauhtlatolloc cenpohual xihuitl oncaxtolli

140r 102

yhuan ce xihuitl auh niman yc omotlahtocatlalli yn itoca Chalchiuhtlatonac yn Colhuacan tlahtohuani

140r 105

VI Tochtli xihuitl Nican ypan in yn omomiquilli yn Qualtzin Tlayllotlac teuhctli yn quipacho Tenâncayotl onpohualxihuitl onmatlactli ypan on xihuitl Auh ça niman yquac motlahtocatlalli yn ipiltzin yn itoca Quauhuitzatzin tlayllotlac teuhctli Chapantica ynic motlahtocatlalli in iuh quitohua huehuetque auh no yhuân yquac motlahtocatlalli yn Itzquautzin Huehue Atlauhtecatl teuhctli yn imomextin quipachoque Tenancayotl ynin ça ya oc oncan yn Cuitlatetelco

140r 108

IX Calli xihuitl Nican ypan in ynic acico honcan Chalco atenco yn huehuetque yn Chichimeca yn Totollinpaneca yn Amaquemeque ynin acico yn oncan motlallico Chalco Atenco yehuatl yn tlahtohuani yn Huehueteuhctli Chichimeca teuhctli yhuan ypilhuan omêntin ynic ce ytoca Tliltecatzin ynic ome ytoca Atonaltzin yhuan oc cequintin huehuetque auh ynic ompa huallequaq yn Quinehuayan yn Chicomoztoc ynic tlayahualloque ynic ypan in xihuitl acico ye napohualxiuhtica yhuân onxiuhtica ynic motlallico auh ça niman ypan in IX Calli xihuitl yn momiquiquilli yn tlahtohuani yn Huehueteuhctli yn Chichimeca teuhctli yn tlahtocat yepohual xihuitl ypan chicue xihuitl yn quinhualpachotia yn Amaquemeq auh ça niman yquac motlahtocatlalli yn ipiltzin yn itoca Atonaltzin Chichimeca teuhctli mochiuh oncan yn Chalco Atenco

Folios: 134r  134v  135v  136r  136v  137r  137v  138r  138v  139r  139v  140r  140v  141r  141v  142r  142v  143r  143v  144r  144v  145r  145v  146r  146v  147r  147v  148r  148v  149r  149v  150r  150v  151r  151v  152r  152v  153r  153v  154r  154v  155r  155v  156r  156v  157r  157v  158r  158v  159r  160r  160v  161r  161v  162r  162v  163r  163v  164r  164v  165r  165v  166r  166v  167r  167v  168r  168v  169r  169v  170r  170v  171r  171v  172r  172v  173r  173v  174r  174v  175r  175v  176r  176v  177r  177v  178r  178v  179r  179v  180r  180v  181r  181v