66v 416
[f v
Reproduccion digital
[f v
]
quimuchihuilia in totlaqual in tocochca in toneuhca in nemohualoni in tleyn ticquemi in itechmoneq^ tonacayo yc huel neci ca cenca tlaçotlaloni cenca temoloni ma xicmotlaçotilican ma xicmomaquilican in amoyollo Tla xiccaquican noteyccahuane ca in aquin quimotlaçotilia Dios ahmo quimoteopohuilia ahmo q^moyolitlacalhuiya çan mopixtinemi ahmo tlahuana ahmo tetlaxima ahmo ichtequi ahmo temictia ahmo teyollococoltia ahmo quichihua in ahchihualoni in ahqualli ahyectli çan quimimacaxilia in Dios yhu miecpa moteochihua quimotlatlauhtilia in Dios ca nohuiyan moyetzinotica ca nohuiyan monemitia muchipa quimottilia in toyollo in tleyn tiquilnamictinemi Oca yehuatlin muchipa monequi itech ammocuitihuetzizque in tlahtlacolli in ihquac amechmoyeyecoltia diablo inic anquichihuazque in tlahtlacolli macamo anquichihuazque ma amechtlapololti in tlacatecotl macamo amechiztla