45r 278
[f r
Reproduccion digital
[f r
]
yehica in c ca tiquimmotlaçotilia tiquimmopalehuilia in tinteyacancatzin in tintecuiyotzin Auh in iquin in quemman in ciahuiz in tlatzihuiz in tlacatl Totecuiyo in tlalticpaque in ipalnemohuani immitzmaniliz immitzmotlatiliz ca c ca mopampatzinco chocazque tlaocoyazque nentlamatizque quilnamiquizque immotetlaçotlalitzin immotepalehuilitzin immotetlaocolilitzin immotetlaocolilitzin immoteycnoittalitzin inic ahmo timacochtlatziuh inic ahmo titeputztlatziuh inic ayac ixco ycpac otinen inic ahmo tiquiçolotehuac ticcatzauhtehuac immopetlatzin immocpaltzin immatzin immotepetzin inic ahmo titeçoquimotlatiuh inic ahmo titetlatzilhuitiuh inic ahmo titlaxixitinitiuh titlamomoyauhtiuh in ahmo timoçolotiuh in ahmo timocatzauhtiuh in çan ihuiyan in çan icemmel in tictlalcahuiya immatzin immotepetzin immopetlatzin immocpaltzin çan yuhcan çan yuh