12v 69
[f v
Reproduccion digital
[f v
]
Yhuan ma cana tecue tehuipil yc timotzotzon yc timohuitec cenca oc moyolic ihuiyan xonitztiuh xommihmattiuh ahmo oppatihua in tlalticpac ç huel achitzinca çan huel ixquichcahuitzintli ih hualnetotonilo in ipaltzinco Totecuiyo çan yc oncenquiça in tlalticpac intlacamo çan ihquac tlacahuaz in iyollotzin Dios in techmozcaliliz yhuan techmotlatzontequililiz yequene techmotlacuepcayotililiz in yuh ca totlachihual in yuh ca tomahcehual tocnopil
Yhuan ma ilihuiz titlacuicui ma ilihuiz titlanenec ma ilihuiz timotlatepehualti ma ilihuiz titepanahui in ahmo molhuil in ahmo momahcehual in ahmo monemac ahmo çan ticmocuiliz ca çan yehuantzin in Totecuiyo Dios motechichihuilia ca ç iceltzin q^motemaquilia in ceceyaca temahcehual in tenemac ca yehuatl ticmocultiz ticmonemiliztiz immolhuil immomahcehual immonemac ma quin ihquac in omitzmahcehualti