85v 231
] Niman ie ic qujnnonotza in Marques in Capitan in tlatoque qujmjlhuja Catli in teucujtlatl in omopiaia Mexico njman ie ic vallaqujxtilo in acalco in jxqujch in teucujtlatl in teucujtlapanjtl in teucujtlacopilli in teucujtlamatemecatl in teucujtlacotzevatl in teucujtlaquacalalatli in teucujtlacomalli muchi ixpan contecaque in capitan çã much iehoan in Españoles in vallaqujxtique njman ie ic qujtoa in Capitan çan ie ixqujch in in teucujtlatl in omopiaia Mexico muchi anqujnextizque ca vel qujtemoa in totecujovan Nimã ie ic ontlatoa in Tlacutzin [fol v