76r 216
] ie no ce valla çan ie no ivi in jiolic qujvallanelhujtiaque auh ie no ceppa valla vme in acalli ic onnauhtetix Nimã ic valmevatiquetz vntetl quauhtli ontetl ocelutl injc ce quauhtli iehoatl in Topãtemoctzin injc vme iehoatl in Tlacutzin Auh injc ce ocelutl iehoatl in Temjlotzin injc vme iehoatl in Coiovevetzin njmã ie ic oneoa ce ocelutl ce quauhtli qujntequjtlanelhuja iuhqujn patlanj acalli vmpa tlamattiuh in teteuhtitlan in q'niacacotonazque in qujnviltequjzque Auh in jquac oiaque ie no ceppa no contlazque in omentin no ce quauhtli auh no ce ocelutl qujntlacomotlazque auh in jquac ie vi nec tlapitzalo njman ie ic tenamoielo auh ceq'ntin njpa qujniacatzacujlico [fol r