CF_12_XII

folio: 10v

Reproduccion digital

CF_12_XII 10v
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

10v 51

] iciuhca acitivetzico in atl iitic in jtocaiocan xicalanco çan tequjtl vncan oalihiocujtiqujzque ic ie no ceppa centlaquauh oaltotoca njman acico in tecpan tlaiacac njman ie no ic oalmeoaltia oalmotlaloa acitivetzico in cuetlaxtlan çan no oalqujztiqujzque vncan ihiocujque Auh in cuetlaxtecatl qujmjlhuj ma oc cemjlhujtzintli ximocevicã ma oc amjhio xiccujcan Auh qujlhujque ca amo ca çan ticiuhtivi tictononochilizque in tlacatl tlatoanj Motecuçoma tictolhujlizque in tlein otiqujttaque in cena temamauhti in aic iuhquj omottac cujx ie cuel ie teachto toconcaqujz njman iciuhca oalpeuhque acitivetzico in mexico çan ioaltica in acico çan oalioalcalacque Auh in jquac in aoqujcochiz aoqujtlaqual qujmatia aoc ie qujlhujaia in çaço tlein qujchioaia ça iuhqujn nentlamatia iuhqujn achica elcicivi mociauhquetza mociauhpoa aoc tle velic aoc tle tepac aoc tle teavialti ipan [fol v

10v 52

] qujmatia ipampa in qujtoaia tlein ic topan muchioaz ac nel icac ha ieppa nehoatl vel patzmjquj in noiollo iuhqujnma chilatequjlo vel toneoa chichinaca campa nel totecue Niman qujmõnaoatique in qujpia in jtzontlan   tlapia qujmonjlhujque intla mocochitia xicmolhujlican ca ovallaque in tiqujnmotitlanj atl itic Auh in oconjlhujto njman qujoalito Amo njcan njccaqujz vmpa njccaqujz in coacalco ma vmpa vian yoan oallanaoati qujoalito ma ontetiçavilo in mamalti Auh njman vmpa iaque in coacalco in titlanti no iehoatl in motecuçomatzin njmã ie ic imjxpan mjcoa qujmeltetequj in mamalti in jmezio ic qujmonatzelhujaia in titlanti (ipampa in juh qujchiuhque in ca cenca ovican in ovia ca oqujmjttato imjxco imjcpac otlachiato vel oqujnnotzque in teteu

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v  23r  23v  24r  24v  25r  25v  26r  26v  27r  27v  28r  28v  29r  29v  30r  30v  31r  31v  32r  32v  33r  33v  34r  34v  35r  35v  36r  36v  37r  37v  38r  38v  39r  39v  40r  40v  41r  41v  42r  42v  43r  43v  44r  44v  45r  45v  46r  46v  47r  47v  48r  48v  49r  49v  50r  50v  51r  51v  52r  52v  53r  53v  54r  54v  55r  55v  56r  56v  57r  57v  58r  58v  59r  59v  60r  60v  61r  61v  62r  62v  63r  63v  64r  64v  65r  65v  66r  66v  67r  67v  68r  68v  69r  69v  70r  70v  71r  71v  72r  72v  73r  73v  74r  74v  75r  75v  76r  76v  77r  77v  78r  78v  79r  79v  80r  80v  81r  81v  82r  82v  83r  83v  84r  84v  85r  85v  86r  86v  87r