50r 162
] in Espanoles tlatlaqua no ivi mexica mocecencaoa tlatlaqua aatli pinolatl qujy cequjntin tlacpac tlecoque iautlachixque iautlapixque qujmonjtztoque in quëmã oneoazque in quenman onolinjzque in Españoles vel imjx intequjuh in ontlachixticate Auh in ie iuhquj in ie olinj in ie utlatoca in Espanoles njman ie ic valtzatzi in iautlachixque qujvalitoa Mexicae ie iauh in amoiaouh ticcencaoa ticcecencaoa ticemolinj ticenvi aiac mocauhtiaz Auh in oqujcacque nec netlalolo tlaixqujqujça tlatotoca Auh in oqujnvalittaque in Españoles qujnvalmochialtique ic oalmomanque in qujnnamjqujzque vel qujnnemjlia in quenjn vel qujnchivazque Auh in ie iuhquj nec qujnxopiloa qujncujtlaxeloa in [fol r