cf_12_xii

folio: 79v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

79v 216

] njman ie ic qujnamoia in quetzalli yoan in teucujtlatl auh njman ic vmpa valhuetz in tlapanco amo mjc amo qujvicaque in toiaovan ie no ieintin in axivaque in toiauvã ça iccen ontzotzon in iauiotl ic cactimoman aoc tle muchiuh njman ic iaque in toiaovan cactimoman aoc tle muchiuh injc oniovan Auh in jmuztlaioc çan njmã aoc tle muchiuh aocac navati ça pachiuhtoc in macevalli Auh in iehoantin Españoles aoc no tle ay ça onoque qujmonjtztoque in macevaltin aoc tle mantoc cencã ça onoque Auh njcan moteneoa in jzq'ntin tiiacavan in vevei oqujchtin in vel imjxco catca iauiotl in iautecaia in jpan icaca iauiotl Tlacuchcalcatl Coiovevetzin Tzilacatecutli Temjlotzin in iehoantin in [fol v

79v 217

] ca tlatilulca Auh in tenuchca iehoantin in Cioacoatl tlacutzin vitznaoatl Motelchiuhtzin oca iehoãtin in in veveintin tiiacavan catca in tlatilulco yoan injc tenuchtitlan

79v 220

Injc cempoalli on caxtolli onnavi capitulo vncã mjtoa in quenjn iehoantin Mexica in jquac ovel qujncaltechpachoto in nez in mottac Eztetl iuhq'nma ilhujcacpa valla Auh injc valneztia iuhqujn vei tlexuchtli