cf_12_xii

folio: 28r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

28r 112

] iujc onuj aocmo mocaquj auh tel amo ic xiccaoalo maco in jxqujch itech monequj in qualonj in joalonj ioan in atl in maçatlaqualli Auh in no uel motlalique njmã ie ic qujntemolia in Motecuçomatzin in jxqujch in jtetzõ in altepetl in tlaujztli in chimalli cenca qujmatataqujlia cenca qujmaujztemoa in teucujtlatl Auh in Motecuçomatzin njman ie ic qujniacantiuh in Españoles cololhujtiuj qujtepeujtiuj innepantla icatiuh tlaiacac icatiuh qujtzitzizqujtiuj caantiuj Auh in onacique in tlatlatilcali itocaiocan teucalco njman ie ic oallaqujxtilo in jxqujch in petlacotl in quetzalapanecaiutl in tlaujztli in chimalli in teocujtlacomalli in incozquj diablome teucujtlaiacametztli in teocujtlacotzecoatl in teocujtlamatemecatl in teocujtlaixquaamatl njman ie ic tlaixcoleoalo [fol r

28r 113

] in jtech chimalli in teucujtlatl yoan in jtech in jxqujch tlaviztli auh inic muchi omocoleuh in teucujtlatl ie ic contlecavia cõtlequechia contlemjna in ixqujch nepapan tlaçotli muchi tlatlac Auh in teucujtlatl qujxaxantecaque in Españoles auh in chalchivitl in quexqujch qujqualittaque qujcujque auh in oc cequj chalchivitl çan qujnamuxque in tlaxcalteca yoan noviã nenque qujxaqualotinenque in novian tlatlatican tlatlatilcali tlatlatiloian muchi qujcujque in jxqujch in qujttaque in qujqualittaque

28r 116

Injc caxtolli omei capitulo vncan mjtoa in quenjn Españoles calaqujto in jpilchan Motecuçoma auh in tlein vmpa muchiuh