cf_12_xii

folio: 34r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

34r 127

] oalmotoxaoa in incujtlaxcul Auh in aca oc nen motlaloa in jcujtlaxcul ça qujvilana iuhqujn xoxoqujova in momaqujxtiznequj aoc campa vel huj auh in aqujn qujçaznequj vmpa qujoalhujtequj qujvalxixili Auh cequjntin tepantli qujtlecavique tel huel momaqujxtiq cequjntin calpulco cacalacque vmpa momaqujxtique Auh in cequjntin intlan momaq'xtique intlan cacalacque in ovelmjcque çan momjccanenequja vel momaqujxtique auh in aca oc mopoçaoa in conjtta conjxili Auh in jmezço in tiacavan iuhqujn atl ic totocac iuhqujn aalacatoc yoan xoqujiac eoatoc in eztli Auh in cujtlaxcolli iuhqujn tlavilanj Auh in Españoles novian nemj in tlatemoa in calpulco novian ontlaxiltivi in tlatemoa in açaca vmpa mjnaia novia nenque [fol r

34r 128

] qujxaqualotinenque in izqujcan calpulco in tlatemoque Auh in omachoc njman ie ic tzatzioa Tiacavane mexicae vallatotoca ma nechichioalo in tlaviztli in chimalli in mjtl vallacivi vallatotoca ie mjquj in tiacaoan ommjcque onjxpoliuhque ommjxtlatique Mexicae tiacaoane Njmã ie ic tlacavaca ie ic tzatzioa netenviteco iciuhca valnechicaovac in tiacavan iuhqujn nececenquetzalo in mjtl in chimalli qujitquj Nimã ie ic necalioa qujmõmjna in jca tlatzontectli in jca tlacochtli yoan in mjnacachalli yoan in tlatzontectli itzpatlacio in contlaça iuhqujn cozpul ommoteca in acatl in impan Españoles

34r 131

Injc cempoalli oce capitulo vncan mjtoa iancujcan peuh iauiotl injc qujmjcalque Mexica in Españoles in njcan mexico