4v 22
] injc qujmjttato injc iuh qujchiuhque in qujto in pinotzin Ma tiqujztlacaviti in tlacatl Motecuçomatzin ca iaocmo annenca ma çan tehoantin tivia ma tonmjqujti injc vel melaoac qujmocaqujtiz (in motecuçomatzin ipiltoca auh Tlacatecutli in jtlatocatoca njman ie ic vi in atl itic ommacalaqujque ommatoctique qujntlanelhujque atlaca Auh in ointech ompachivito españoles njman imjxpan ontlalquaque acaliacac in momatque ca iehoatl in Quetzalcoatl topiltzin in oacico qujnoalnotzq in españoles qujmjlhujque Acamjque campa oanvallaque can amochan Çan njman qujtoque ca vmpa in mexico tioallaque Qujnoalnanqujlique intla nelli anmexica tle itoca in tlatoanj mexico Qujmonjlhujque Totecujovane ca Motecuçoma itoca Njmã ie ic qujnmaca in jzqujtlamantli qujtqujque tlaçotilmatli iuhquj in iehoatl in in njcã moteneoa Tonatiuhio xiuhtlalpilli tecomaio xaoalquauhio coaxaiacaio [fol v