cf_12_xii

folio: 54r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

54r 172

] yoã mjequjntin çan apizmjcque apizmjcoac aocac motecujtlaviaia aocac teca muchivaia Auh in cequjntin çan veveca in intech motlali in çavatl amo cenca qujmjhioti amo no mjequjntin ic mjcque yoã mjec tlacatl ic itlacauh in jxaiac ichachaquachiuhque iacachachaquachiuhque cequjntin yixcueponque ixpopoiotque iquac in manca inin totomonjliztli vel epoalilhujtl epoaltonal in qujz in cuetlan in neemachoc in iolioac ie chalcopa vatztia in totomonjliztli yoã mjec injc cocototzauh amo tel iccen cocototzauh In momanaco Teutl eco auh in cuetlanjto ipan in Panquetzaliztli vncan vel caxavaque in Mexica in tiacaoan Auh in ie iuhquj njmã ie vitze valolinj in Españoles in vmpa Tetzcoco quauhtitlampa [fol r

54r 173

]in qujçato ommotlalico Tlacuban nec vncan motequjmaca vncã moxeloa in Pedro de Aluarado itequjppã muchiuh in vtli vallaticac tlatilulco Auh in Marques coioacan motlalito auh itequjuh muchiuh in marques auh in vtli in acachinanco vallaticac tenuchtitlan in moma marques ca vei oqujchtli in tenuchcatl vei tiacauh auh in nextlatilco anoço iliacac vel vmpa achto iaupevaco njman acitiuetzico in nonoalco in qujnvaltocaque tiacavan aiaac mjc in Mexica njman ic moteputztique in Españoles In tiacavan in acaltica tlaecoa in acalchimaleque qujmõmjna in immjuh ontzetzelivi in impan Españoles njman ic calaque Auh in Marques njman ie ic qujvallaça in invicpa tenuchca qujvaltoca in vtli in acachinãco mjecpa valmicalia auh connamjquj in Mexica