77v 216
] vncan contlecavique contlatlatique Auh in tiiacavan oc nen valmomantivi tel amo ma qujnmjna in cioa çan iehoantin in oqujchicativitze auh in necacaoaloc ça achiton tonatiuh Auh injc navilhujtl çan ie no ivi in mochiuh cemolinque in toiaovan in vmpa onoc macevalli vmpa tlamattivi in Españoles cencan ivian in iativi Auh in tiiacauh tlacateccatl in temjlotzin oc nen qujnmopachiviaia tepantli qujmotocti Quauhtli ipan qujzticac itepuzmaquauh ieticac injc qujncotonazquja auh in oqujttac in aoccampa veli njmã ic atlan valmomaiauh axotlatiuh cenca tlacavaca vncan ie no ceppa motetemmã in iauiotl çan vncan acito vel cemjlhujtl in manca iauiotl Auh in otlatvic in ie ic macujlilhujtl [fol v