56v 177
] mjec tlacatl ic mjc njman aaquetztivetzi nenecujliuhtivetzi papachiuhtivetzi çan ie no ivi in tepuzmjtl in aqujn vel qujmottilia aocmo qujça njman mjquj vncan qujhiovia Auh in ovel qujttaque Mexica in ovel qujnemjlique in juh vetzi tlequjqujztli yoã in tepuzmjtl aocac motlamelauhcaquetza ça avic vivi tlatlaxtlapaloa ça ixtlapalhujvi Auh in jquac ie no qujtta in ie vetziz in vei tlequjqujztli tlaltech viloa tlaltech neteco nepacholo Auh in tiacavan cacalactivetzque in caltzalan chipavatimoquetz in vtli in vchpantli ça iuhqujn chipacpul icac Auh njman onacico in vitzillan in oc ce vncã onoc tenamjtl auh mjequjntin itlan mopachotoca qujmotoctitoca in tenamjtl achitonca vncan ommacã ontzotzon [fol v