4r 22
Auh in oittoque in aqujque ovallaque ilhujcaatenco in acaltica ie onotinemj Niman inoma ia in cuetlaxtecatl pjnotl vei calpixquj q'nvicac oc cequjntin calpixque Mictlan quauhtla calpixquj Jaotzin Injc ei Teuciniocan calpixquj itoca Teuciniacatl Injc navi iehoatl in cujtlalpitoc çan tetlan nenquj tlaiacanquj Injc macujlli Tentlil çan no tlaiacanquj çan oc iehoantin in in qujmjttato çan iuhqujnma qujntlanamaqujltito injc qujnnaoalittato injc qujnnemjlito qujnmacato tlaçotilmatli tlaçotlanquj çan vel itech itilma in Motecuçoma in aoc ac oc çe qujquemj çan vel ineixcavil vel itonal acaltica in iaque [fol r