47r 157
] contlamãvique in innenonotzal injc qujnamjcque injc qujtlatlauhtique in capitan in teutl yoan in ie mochintin teteu ca omaxitico in inchantzinco in njcã teucalhujacan ca njcan tictotlatlauhtilia tictociauhquechilia in timaceoalhoã in titeucalhujaque yoan in Tliliuhqujtepeca yoan ma qujmocaqujti in totecujo Ca in motecuçoma yoã in mexicatl ca cenca otechtolinj otechtlaciavilti vel toiacacpa oqujqujxti in netolinjliztli ca ixqujch inin techtequjtia in tlacalaqujli auh inin ca totecujo ca totlatocatzin Auh intla techmocavilitiqujça ca tlacatl in mexicatl vellaveliloc intla techmocavilitiqujçaz intla movecavitiz in oalmovicaz in valmocueptzinoz aotechtlamjque aotechpopoloque in Mexicatl ca vel huei tlaveliloc ca vel qujmaxilti injc tlaueliloc Auh in ocõcaqujti [fol r