40v 142
] in ca ie Motecuçomatzin yoan Itzquauhtzin in Motecuçomatzin njman qujoalnapalotiqujzque qujoalhujcaque in vncan itocaiocan Copulco njman ie ic qujquaquauhtlapachoa njman ie ic contlemjna contlequechia njman ie ic cuecuetlaca in tletl iuhqujn tetecujca iuhqujn nenenepiloa tlecueçalutl iuhqujn tlemjmjiavatl moquequetza in tlenenepilli auh in jnacaio Motecuçoma iuhqujn tzotzoiocatoc yoan tzoiaia injc tlatla Auh injc tlatlac çan tlavelpan aocmo cenca teiollocopa cequj caoa qujtoa Inin tlapalpul cemanaoac in otlamamauhtiaia cemanaoac in ooalimacaxoia cemanaoac in oivic valnemamauhtiloia valneiçaviloia in iehoatl in in aqujn çã tepitzin injc qujiolitlacoaia njman contlatlatiaia mjec in tlapictli oqujtzacujlti in amo nelli in çan tlatolchichioalli [fol v