62v 190
] njman ie ic qujmjlhuja Ca ie qualli oanmotlacnelilique oanqujmjhioviltique oanqujmociaviltique ma xicmopalevilican in altepetl ma tlaieiecavi njman ie ic qujntlauhtia qujnmaca in tlaviztli in chimalli yoan qujncacacavatique cecen xicalpechtli in qujnmacaque cacaoatl njmã ie ic qujmjlhuja tlacueleoatl tla tlaieiecavi tiacaoane ca ie vitze in toiaovan njma ie ic vi in titlanti in vmpa onoque in cujtlavaca in qujnvalhujcaque Auh in oiaque njman ic maantimoquetz in tlacavaca in jzqujcan vtlica njman ie ic necalioa Auh in iehoantin in in Suchimjlca njman ie ic no icavaca yoan macalhujtequj amo ma techpalevique çan njmã ie ic tenamoia qujnnamoxque in cioatzitzinti yoan in pipiltzitzinti yoan in jlamatzitzin [fol v