69v 206
] mjequjntin tlapanco onoca in vallamotla qujoallaça in tetl in mjtl oallatepachoa vallamjna yoan moch mocujtlacoionj in quauhquecholteca calli achitoton qujcoionjque Auh in jquac ie no valtetoca in cavallosme in ie no qujnxopiloznequj in ie qujniacatzacujliznequj vmpa cacalactivetzi in tiacavan Auh ceppa muchiuh in Españoles acatl yiacapan in valcalacque nec tenamoielo nec teçaçaco in maceoaltzitzinti Auh in oqujttaque in tiiacavan nec qujvallaça in tiiacavan vncan icativitz quachic itoca Axoquentzin qujntocac in jiaovan qujntetlaçalti qujnmalacacho auh inin tiacauh vncã momjqujli vncan qujtepuzmjvique yielpan in qujtlaxilique yiollopan in qujtlaxilique tepuzmjtl iuhqujn necochaano inic [fol v