cf_12_xii

folio: 39v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

39v 137

] in Espanoles tlaiacantivi in matlequjqujceque cencã tlamach in tleco amo mamana qujtlaztivi in matlequjqujztli ic tlamotlativi tlaõcaiotitivi in tepuztlavitoloanj in tlatepuzmjvianj tlaiecaiotia in tepuzmaquaveque in tlanauhcaiotitivi tepuztopileque tzinacãtopileque Auh in tiacaoan oc nen valmomamanaia in qujoallaça quavitl in tomaoac aoaquavitl in impã Españoles çan qujchimaltopeoa çan njman aoc tle onievat Auh in opanvetzito in Españoles njmã ie ic tevivitequj yoan texixili tetzotzopitza Auh in tiacaoã njman ie ic valmotepeoa in jtlamamatlaioc teucalli iuhqujn tlilazcatl valmotepeoa Auh in Espanoles vel mochintin qujnteucalhujque in jxqujchtin tlecoca in tiiacaoan vel mochinti [fol v

39v 138

] moteucalhujque njman aocac maqujz Auh in ontemjctico njman ie ic callacque valmotzatzacutivetzque Auh inin muchiuh ie tlaqualizpan auh in ie iuhquj njmã ie ic teiximacho teçaçaco auh in ie muchintin oçacoque in moteucalhujque njmã ie ic tetlatilo in tetelpuchcali

39v 141

Injc cempoalli vmei Capitulo vncan mjtoa in quenjn Motecuçoma yoan ce vei pilli tlatilulco mjcque auh in innacaio qujvallazque iqujiaoaioc iqujiaoaioc in calli in vncan catca Españoles