51v 162
] tlacaxipeoaliztli no cempoalli njman qujvaltoqujlia Toçoztontli no cempoalli njman qujvaltoqujlia vei toçoztli no cempoalli njman qujvaltoqujlia Toxcatl no cempoalilhujtl ie vncan ixpoliuhque Tiacaoan in xaxamacaque in mexica in mjcoac njmã qujvaltoqujlia Etzalqualiztli no cempoalilhujtl njman qujvaltoqujlia Tecujlhujtontli ie vncan in qujzque vel ipan in ilhujtl in qujzque in Españoles in moioalpoloque amo tenemachpan amo iuh catca teiollo inic qujzque ioaltica Auh injc mocempoa in jzqujlhujtique matlacpoalli oçe on caxtolli auh in tocnjoan catca chicunapoalilhujtl on caxtolli Auh in toiaovan catca vmpoalilhujtl Auh in oiuh iaque in Españoles iuh nemachoc in ca oiccen iaque in ca iccen oiaque aocmo cepa valmocuepazque aocmo [fol v