cf_12_xii

folio: 66r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

66r 196

] moiauhque Auh in jxqujch tlaxcaltecatl in aculhoacatl in chalcatl njman ie ic catzupa in acalutli yoan in ocamoiauhque vtli contlaça in xamjtl yoan in calquavitl in tecoc in tlaixquatl in tlaquetzalli in quãmjmjlli in acatl qujcujtlalpia in contepeoa atlan Auh in jquac in omotzop nec valmotema in Españoles cencã ivian in iativitze qujniacana in quachpanjtl tlapitztivitze tlatzotzontivitze Auh imjcampa onotivitze in ie ixqujch tlaxcaltecatl yoan in ie ixqujch altepeoa cenca muchicava moquaquacuecuechoa meeltzotzona in tlaxcalteca cujca no cujca in mexica necoccampa cujco queoa in çaço tlein qujlnamjquj ic mellaquaoa muchioa Auh in oacico tlalhoacan in tiacaoã vel nepacholo vel mopachoa [fol r

66r 197

] vel netlatilo qujtetetzontlaliaia qujchjxtoque in quemman teevitiloz in quenman qujcaqujzque tzatziliztli in teevitiliztli auh in otzatzioac Mexicae ma ie cuel iehoatl njman ic qujvalixti in Tlapanecatl hecatzin otomjtl inca ommomotlac qujto Tiiacavane tlatilulcae ma ie cuel aqujque in in Tenjme xivalnenemjcan njman ic ica ce maiavito in Español tlalli ic qujvitec iehoatl in valiacattivia in qujmaiavito in qujvaliacatitivia Auh in oqujmaiavito nec convilanato in Español

66r 200

Injc cempoalli on caxtolli capitulo vncan moteneoa in quenjn ie no ceppa tlamaque mexica in qujmacique Españoles in juh mopouhque in axivaque Españoles ontecpãtli ommatlactli omei yoã no mjequjn tlaxcalteca Tetzcuca chalca xuchmjlca Auh in quenjn muchtin vncã qujnmjctique in imjxpan inTeuoan catca