18r 80
Auh in Motecuçoma njmã le ic qujmonjoa qujmonjxquetza in pipilti qujniacana in tzioacpopocatzin yoan oc ceq'ntin cenca mjequjntin itechiuhcaoan cõnamjqujto intzalan in popocatepetl yoan iztactepetl vncan in quauhtechcac qujmõmacaque teucujtlapanjtl quetzalpanjtl yoã teucujtlacozcatl Auh in oqujmõmacaque iuhqujn yixvetzca cenca papaquj ahavia iuhqujn cooçomatzitzquja in teucujtlatl iuhqujn vncan motlatlalia iuhqujn iiztaia iuhq'n cecelia yiollo ca nel iehoatl in cenca camjquj qujpoçaoa qujteucivi qujpitzonequj in teucujtlatl Auh in teucujtlapanjtl qujhiiauhtivitze qujtlatlavitzotivitze qujmoottititivitze iuhqujn tiapopoloca in tlein qujmolhuja in popolochcopa Auh in jquac oqujttaque Tzioacpopocatzin qujtoque Cujx iee hin in Motecuçoma Qujmjlhujque in intlan mantivitze in intlachixcaoan in tlaxcalteca [fol r