25r 107
] in jtlatocaiovan in jpilloan njmã ie ic vi tenamjqujzque xicalpechtica cõmamãque in tlaçosuchitl in chimalsuchitl in iollosuchitl inepantla icatiuh in jzqujsuchitl in coztic iiesuchitl in cacaoasuchitl icpacsuchitl in suchineapantli yoã qujtquj in teucujtlacozcatl chaiaoac cozcatl cozcapetlatl Auh ie vncan in vitzilla ontenamjc Motecuçomatzin njman ie ic contlamamaca in iautachcauh in intepachocauh iauqujzque coxochimacac concozcati in cozcatl consuchicozcati consuchiapan conjcpacsuchiti njman ie ic ixpan contequjlia in teucujtlacozcatl in jzqujtlamãtli tenamjconj tenamjctli in jca oiecauh cequj cõcozcati Njmã qujoalilhuj in Motecuçoma Cujx amo te cujx amo ie te ie te in timotecuçoma qujto in Motecuçoma ca quemaca ca nehoatl njmã [fol r