59v 185
Auh in jquac in in tenuchca valcalacque in njcan tlatilulco tlachoqujztleoa tlatzatziztleoa ixachi in jmjxaio cioatzitzinti auh in toqujchtin qujnvivicatze in incicivaoã in aca qujquechpanoa in jpiltzin njmã iquac in qujcauhque in jmaltepeuh ça cemjlhujtl Auh in tlatilulca ie ne vmpa itztivi in tenuchtitlan in mjcalizque Auh in ie iuhquj in Pedro aluarado ie ne vmpa qujvallaz in iliacac in jvicpa nonoalco aiatle vel qujchiuhque iuhqujn tetitech onevaco iehica ca in tlatilulca cenca mochicauhque necoc in tlaiecoloc vtli ipan yoan atlan [fol v