CF_12_XII

folio: 11v

Reproduccion digital

CF_12_XII 11v
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

11v 55

Auh in ie iuhquj njman ie ic qujnonotza in Motecuçoma iuh qujlhujque in juhquj oqujmaviçoto yoan qujttitique in juhquj intlaqual Auh in oqujcac in juh tlanonotzque in titlanti cenca momauhti mjçavi yoan cenca qujmaviço in intlaqual oc cenca iehoatl in qujiolmjcti in oqujcac in quenjn vetzi in jnnaoatil in tlequjqujztli iuhq'n tlatlatzinj ic caqujzti in jquac vetzi vel teçotlauh motzatzaqua in tonacaz Auh in jquac vetzi iuhqujn telolotli oalqujça yitic tlepipixauhtiuh chichitocatiuh auh in jpocio cenca hiiac xoqujiac vel tetzonvitec auh in qujmotla tepetl iuhq'n xitinj xixitica auh in quavitl qujmotlatetextia iuhqujn atetlachialti iuhqujn aca conilpitza çan muchi tepuztli in iniautlatquj tepuztli in cõmaquja tepuztli in conaquja intzontecon tepuztli in inmaquauh [fol v

11v 56

] tepuztli in intlavitol tepuztli in inchimal tepuztli in intopil auh in qujnmama in inmaçaoa iuhqujn tlapantli ic quaquauhtique yoan novian qujmjlivi in innacaio çanjo neci in inxaiac cenca iztac ixtetenextique tzoncoztique tel cequj tliltic in intzon viiac in intentzon no coztic tëtzõcoztique cocototztique ocolochtic auh in intlaqual iuhqujn tlacatlaqualli veitepul iztac amo etic iuhqujn tlaçolli iuhqujn ovaquavitl iuhqujn ovaquauhtextli injc aviac achi tzopelic achi nenecutic monecticticaqua motzopelicaqua auh in jmjtzcuioan veveipopul nacazcuecuelpachtique tenvivilaxpopul ixtletletique ixtletlesuchtique ixcocoztique ixtlecocoztique xillanvicoltique xillãoacaltique xillancapitztique vel quaquauhtique amo tlaca manj neneciuhtinemj nenenepilotinemj ocelocujcujltique mocujcujloque Auh in oiuh qujcac in Motecuçoma cenca momauhti iuhqujn iolmjc moioltequjpacho moiollacoma

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v  23r  23v  24r  24v  25r  25v  26r  26v  27r  27v  28r  28v  29r  29v  30r  30v  31r  31v  32r  32v  33r  33v  34r  34v  35r  35v  36r  36v  37r  37v  38r  38v  39r  39v  40r  40v  41r  41v  42r  42v  43r  43v  44r  44v  45r  45v  46r  46v  47r  47v  48r  48v  49r  49v  50r  50v  51r  51v  52r  52v  53r  53v  54r  54v  55r  55v  56r  56v  57r  57v  58r  58v  59r  59v  60r  60v  61r  61v  62r  62v  63r  63v  64r  64v  65r  65v  66r  66v  67r  67v  68r  68v  69r  69v  70r  70v  71r  71v  72r  72v  73r  73v  74r  74v  75r  75v  76r  76v  77r  77v  78r  78v  79r  79v  80r  80v  81r  81v  82r  82v  83r  83v  84r  84v  85r  85v  86r  86v  87r