cf_06_vi

folio: 8v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

8v 19

] quecin toconmonequjltiz ca ixqujchtzin y injc mjxpantzinco njnotlaça njnomaiavi in njmaceoalli in njtlapaliuj auh anoço ie ic njcolinja in motlaueltzin in moqualantzin aço ic njcçoneva aço ic njcuecapanoa in melleltzin aço ic njcnjciujtilia aço ic njctemoa in nopoliuja in nacoqujçaia anoço ic njcacoleoa aço ic njcolinja in quavitl in tetl ca çan in njtlatoa câ çan in njnoquetza in mjxpantzinco ca tlamaviziocan ca maujzpan ca atoiatl ca tepexitl qujqujzticac ca texcalli ca tepexitl viujtecticac nênexeoaticac chichileoaioticac auh tlaalaoa tlapetzcavi aiac onqujzca in mjxpantzinco auh ca nehoatl ca njxcoian ca nonoma nonnotlaça nonnomaiavi in atlan in oztoc in tepexic in atoiac auh njcan njccujco njcanaco in jxpopoiotl in cocototztli in palanjliztli in aiaçulli in tatapatli auh ca onoconcujc ca onoconmama in quenamj in nolujlti in nomaceoalti in njmacehoalli in nitlapaliuj ma ximotlacotili ma ximotequjtili [fol v

8v 20

] totecoe iooalle ehecatle ma njmjtznotlaxili ma njmjtznotecujnjli totecoe

8v 22

Ic ey capitulo vncan moteneoa in tlatolli in vel iniollocopa qujtoaia injc qujtlatlauhtiaia Tezcatlipuca in qujtocaiotiaia iaotl necoc iaotl monenequj injc qujtlaniliaia in tepaleujliztli in jquac iaoiutl muchioaia Iehoantin ic tlatlatlauhtiaia in tlenamacaque cenca quaqualli in metaphoras in machiotlatolli injc tlatoaia ioan vel itech neci in quenjn vel qujneltocaia ca in jxqujchtin in iaomjquja vmpa viia in tonatiuh ichan injc cemjcac vmpa mocujltonozque