cf_06_vi

folio: 152r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

152r 556

] in temjxivitianj in jmac tlacatioanj qujlvia intla ilama tlatoa qujtoa Noconetzin totecujo tlaçotitlacatl otimotlacotili otimotequjtili oticmonanamjqujli in cihoapilli in Cioacoatl in qujlaztli aviz nelle axcan ca omecavi ca otlalticpacqujçaco in jaxcatzin in jtlachioaltzin totecujo in ie macujl in ie matlac in ticchialia totecujo aviz in ceiooal in cemjlvitl in otoconmattinenca in quenmach nenti in tlacotiz in tequjtiz in cioacoatl in qujlaztli quenmach nenti â oic onjcatia in ijtitzin in tochpuchtzin in toconetzin quenmach nenti oqujmovicalti in ijtitzin quen nen tiqujtoanj tle tiqujtoanj ac tictolhvianj Axcan ca otlacauhquj in ijollotzin totecujo otechmocnelili njcan ijxco icpac titlachia in cozcatl in quetzalli in omecavi motolinjcatzintli motolinjtzinoa â quen qujmonequjlilia in totecujo cujx monoltitoz cujx motetzaoaltiz [fol r

152r 557

] auh cujx achi qujtlaliz tonatiuh cujx no ie in amo ca titemjquj ca ticochitleoa ca titemjctlamati Auh maço nellehoatl tlaltech ximovetziti ma tlaltech ximaxiti ma momatzin mocxitzin xicmocevili ma oc techmoiocoli in totecujo ma oc tictotemachilican in quecin conmonenequjltiz ma tictochialilican anca quen muztla viptla anca quen tamjque o in macujl matlac tle ticmatcatzintli tlaçotitlacatzintli motzontecontzin melchiqujuhtzin noconeoaz noconquauhtiliz ma ximotlacotili ma ximotequjtili auh ma mjtzmotlamatcatlalili in totecujo